ശ്രീ ലളിതാസഹസ്രനാമം... : 6. ഓം ഉദ്യദ്ഭാനുസഹസ്രാഭായൈ നമഃ

6. ഓം ഉദ്യദ്ഭാനുസഹസ്രാഭായൈ നമഃ

ഉദിച്ചുയരുന്ന സഹസ്രം ബാലസൂര്യന്മാരുടെ അരുണവർണവും കാന്തിയും ഉള്ളവളായ ദേവിയെ ഈ ദാസൻ പ്രണമിക്കുന്നു.

No comments:

Post a Comment

ശ്രീപാർവതിയായും മഹാലക്ഷ്മിയായും സരസ്വതിയായും സാവിത്രിയായും രാധാദേവിയായും; കൂടാതെ അനവധി ദേവതാസങ്കൽപ്പങ്ങളായും സ്ഥൂലരൂപത്തിൽ ധ്യാനിക്കപ്പെടുന്ന ദേവിയുടെ സൂക്ഷ്മഭാവം ആദിപരാശക്തിയായ ത്രിപുരസുന്ദരിയുടേതാണ്‌. വാക്കിന്‌ അർഥം പോലെ മഹേശ്വരൻ ദേവിയ്ക്കൊപ്പം ചേർന്നുനിന്ന് ഈശ്വരചൈതന്യം പൂർണമാകുന്നു. ത്രിമൂർത്തികളാകട്ടെ, സങ്കൽപ്പിക്കാൻ കഴിയുന്നതും അല്ലാത്തതുമായ പ്രപഞ്ചത്തിലെ ഏതു ദൈവികഭാവവുമാകട്ടെ, ഈ ശിവ-ശക്ത്യൈക്യത്തിൽ നിന്നും ഉരുത്തിരിഞ്ഞതാണ്‌.

രൂപരഹിതമായി ഈ പരാശക്തിയെ ധ്യാനിക്കുക സാമാന്യബോധനിലവാരം മാത്രമുള്ള നമുക്കൊക്കെ ദുഷ്കരമത്രെ. ലാവണ്യവതിയായ ഒരു യുവതിയായി ഈ ചൈതന്യത്തെ സങ്കൽപ്പിച്ച് സഹസ്രനാമങ്ങൾ കൊണ്ട് പൂജയർപ്പിക്കുകയാണ്‌ ലളിതാസഹസ്രനാമമന്ത്രാർച്ചന. കേവലമായി കുറെ വാക്കുകൾ ചേർത്ത് ഉച്ചരിക്കുകയല്ല ഇത്; മന്ത്രശബ്ദങ്ങൾ പ്രത്യേകരൂപത്തിലിണക്കിച്ചേർത്ത് ഉപാസകൻ പോലും അറിയാതെ തന്നെ ഈ ജീവാത്മാവിനെ പരമചൈതന്യവുമായി യോജിപ്പിക്കുന്ന കർമമാണിവിടെ സംഭവിക്കുന്നത്.

(ഇതിനപ്പുറം, മഹായോഗികൾക്കുപോലും അത്യന്തദുർലഭമായി മാത്രം അനുഭവവേദ്യമാകുന്ന അതിസൂക്ഷ്മഭാവത്തിലോ, അതിനുമപ്പുറം അവ്യക്തമായ മൂലപ്രകൃതി-പുരുഷഭാവത്തിലോ ഈശ്വരചൈതന്യത്തെപ്പറ്റി ചിന്തിക്കാൻ കഴിയുകപോലും എത്ര ജന്മങ്ങളിലെ പുണ്യം കൊണ്ടാണുണ്ടാവുക?)